Bosch компаниялар тобын шолу

Bosch компаниялар тобы технологиялар мен қызметтердің жетекші әлемдік жеткізушісі болып табылады. Компанияда бүкіл әлем бойынша 402 600 жуық қызметкер (2021 ж. 31 желтоқсандағы деректер) жұмыс істейді. 2021 жылы компанияның сатылымдар көлемі 78,7 млрд еуроны құрады. Bosch тобының қызметі төрт бизнес-бағыт бойынша жүргізіледі: Мобильділік бойынша шешімдер, Өнеркәсіптік технологиялар, Тұтыну тауарлары, Құрылыс технологиялары және Энергетика, Bosch, заттар Интернеті саласындағы көшбасшы, парасатты үй, Индустрия 4.0 және Интернетке қосылатын автомобильдер үшін инновациялық амал-тәсілдерді ұсынады. Bosch компаниясы тұрақты, қауіпсіз және қызықты болып табылатын мобильділік тұжырымдамасын ұстанады. Компания клиенттер үшін желілік және көпбейінді шешімдердің жалғыз жеткізушісіне айналу мақсатында сенсорлық технологиялар, бағдарламалық жасақтамалар мен қызмет көрсетулер саласындағы өз тәжірибесі мен білімдерін, сондай-ақ өз бұлт сервисін қолданады. Bosch компаниялар тобының стратегиялық мақсаты адамдардың өмірін құрамында не жасанды зияты бар (ЖЗ), не соның көмегімен әзірленген немесе дайындалған, Интернетке қосылған өнімдермен және шешімдермен қамтамасыз ету болып табылады. Bosch бүкіл әлем бойынша инновациялық өнімдер мен қызметтердің көмегімен өмір сүру сапасын жақсартуда. Bosch компаниясы «өмір сүру үшін жасап шығарылған» технологияларды құрады.

Robert Bosch GmbH меншігінің ерекше құрылымы компанияға ұзақ мерзімді перспективаға жоспарлауға және өз болашағын қамтамасыз ету үшін айтарлықтай бастапқы инвестицияларды жүзеге асыруға мүмкіндік бере отырып, Bosch тобының кәсіпкерлік еркіндігіне кепілдік береді. Robert Bosch GmbH акционерлік капиталының 94% Robert Bosch Stiftung GmbH қайырымдылық қорының меншігіне жатады. Қалған акциялар Robert Bosch GmbH компаниясына және Бош отбасысының меншігі болып табылатын корпорацияға тиесілі. Негізгі дауыс беру құқығы сондай-ақ кәсіпкерлік меншік функциясын орындайтын Robert Bosch Industrietreuhand KG өнеркәсіптік трестке тиесілі.